طريقة سهلة لعمل جبنة الكنافة في المنزل


نفس طريقة التجبين طبعاً بدون حبة البركة
بتقطعيها ومابتملحيها أبداً بتخليها بالبراد بكيس أو علبة يومين أو تلاتة لتخمر الجبنة ويصير فيها ثقوب بعدين بتستعمليها حلوة للكنافة
طريقة التجبين:
بنجيب حليب بقري من المزرعة أفضل كنتيجة
أو من السوبر ماركت
10 كيلو حليب
بنحطهن بطنجرة ستانلس ستيل حصرا
وبندفيهن لتصل حرارة الحليب مابين ال35 و40 درجة مئوية يفضل بميزان حرارة سوائل أو بنحط أصبعتنا بتكون نظيفة لازم تكون بحرارة الجسم أو أكتر شوي متل ترويب اللبن
بس يدفى الحليب بندوب قرص منفحة بنص كوب ماء مغلي ومبرد مسبقاً مع رشة ملح
كل عشرة كيلو حليب بحطلهن قرص منفحة أو 5 معالق صغيرة منفحة سائلة أو بغطا القنينة 5 أغطية
بنحرك المنفحة مع الحليب لدقيقتين
نغطي الطنجرة بنغطيها ببطانية حتى يضل دافي
بنتركه حتى تفصل الجبنة عن المصل لمدة ساعتين أو 3 ساعات
كلما كانت المنفحة منيحة بتجبن أفضل وأسرع
بس فصلت بعد ساعتين
بنفتح الغطا بنقطع الجبنة بسكين بالطول وبالعرض لنصل لقاع الطنجرة
بنرجع بنغطيها وبنتركها نص ساعة كمان حتى تفصل بشكل كامل الجبنة عن الشرش أو مصل الجبنة
بعدين بنصفيها بمصفاية ناعمة وبنحطهن بشاش نضيف ومعقم بنضيف حبة البركة وبنحركها بنتركها تنزل المي تماما
بنشكل الجبنة لقرص بنفس الشاش
وبحطها بقلب مصفاية بأي شكل وبنحط فوقها تقل شي 10 كيلو وزن ممكن غالونات مي
بنتركهن مضغوطين ساعتين لحتى تجمد وتتماسك
بعدين بنقطعها وبنحطهن بمي وملح بحري أو صخري
150 غ ملح خشن مع لترين مي بطنجرة ستانلس بنحرك ليدوبو وبنسقط بقلبهن الجبنة وبنغطيهن بنحطهن بالبراد لتاني يوم لحتى تشرب ملح وتشد الجبنة
تاني يوم بنسنرها أو بنغليها
أو بناكلها خضرة
وألف صحة وهنا

طريقة سهلة لعمل جبنة الكنافة في المنزل
4 / 5
Oleh